إلى متى يابنات السعوديه ؟؟؟ الى متى

بسم الله الرحمن الرحيم


إلى متى يابنات السعوديه إلى متى ياحفيدات الصحابه إلى متى ؟ قطعتوا قلوبنا أحرقتونا إلى متى؟؟؟؟؟؟؟؟؟؟

مسلسل فضائح السعوديات أصبح عاده كل شهر أو أسبوع يطلع بلوتوث أو يصير حادث من برجس إلى فتاة تبوك إلى بنت حائل وغيرها كثير وماخفي كان أعظم. وأسألوا رجال الهيئة .

إذا شفتي بلوتوث برجس أو فتاة حائل أو قريتي قصة بنت تبوك تقول يارب أستر علينا . كيف الله يستر عليك وانتي فاضحه نفسك ؟ تقولي يارب أسترنا علينا وشوي تدق على خويها والا ترحب بخويها بالماسنجر بس سبحان الله أنا أستغرب من هالبنات كل وحده هي غيررررررررررر و خويها غيرررررررر

هي غير تقول انا ماأطلع أنا حدي جوال او تقول انا حدي ماسنجر او تقول انا مو خبله اكلم كل من هب ودب أنا بس أطلع مع حبيبي والله ماتعرفت على غيره وهو مستحيل يفضحني

أو خويي غير والله طيّب وحنيّن مره ويحبني مستحيل يفضحني ويخاف علي مثل مايخاف على أخته

طيب سؤؤؤؤؤؤؤؤؤؤؤؤؤال

اللي نسمع ونشوف دائماً البنات المنكوبات اللي نكبوا أنفسهم وأهاليهم ونكسوا روس عوائل وفضحوهم من هم ؟؟؟؟؟؟؟؟؟؟؟؟؟ قولوا من هم ؟؟؟؟؟؟؟؟ اللي نشوف بالسوق مخصرّ وعبايات كأنها قمصان نوم ومكياج كامل والغثيثااااااااااااااااااااااااااااااات اللي بالسوق اللي كأنها داخله مسابقه تجمّع أكبر عدد ممكن من الخويان ؟ من هم ؟

ياأخوات والله اللي ربي فضحهم ونكبهم قبل كذا كانوا مثلكم كانوا مستورات بنات ناس عفيفات أتبعوا خطوات الشيطان وربي سترهم إلى أن ربي قدر بتلك الساعه يفضحهم أو يأخذهم ماسمعتوا بقصص بنات تتوفى مع خويها ؟ سمعنا وانا وربي بعيني شفت شاب توفى ومعه خويته والبنت بالعنايه المركزة الله أعلم وش صار فيها بس اللي اعرفه أن أبوها كان يبغاها تموت ؟ أبوووووك اللي رباك أخوانك أخواتك مافكرتي فيهم؟ مافكرتي إلا بنفسك ؟ وبشهوة عابره
طيب خويك يستاهل كل هذا تضيعين كل حياتك وآخرتك وسمعتك وسمعة اهلك عشانه ؟ والله يابنت الناس لو اعطاك كنوز الدنيا يخسى مايستااااااااهل لأن غرضه دنيء وانتي عارفه



ياأختي يابنت السعوديه يابنت بلاد الحرمين يابنت الإسلام ياحفيدة الصحابه سألتكم بالله هذا منظر اللي نشوفه بالسوق ؟ هذا منظر مسلمات ؟ هذا حجاب مسلمه الترقيم والغنج والدلع والمصاااااااااااااخه بالسوق وبالنت هذي حركات بنت عفيفه ؟ بنت شريفه ؟

آآآآآآآآآآآآآآآآآآه أقسم بالله دائما دعواتي لكم بصلاتي ربي يستركم ويحصنكم ويكفيكم شر كل ذي شر

شر كل ذئب بشري يبغى يدمركم متلاعب بأعراض المسلمين

شر كل علماني يبغى يفصخكم من حيائكم ويخرب هذا البلد

أخواتي أتمنى منكن عدم الإستهانه بدوركم ووالله لاأقولها مجامله ولكنها الحقيقه بإختصار اخواتي

أنتن إذا صلحتن صلح المجتمع لو كل فتاة ألتزمت بدينها وحافظت على نفسها فهي قدمت خدمة كبيرة للإسلام ولو كانت متزوجه وحافظت على نفسها وعلى زوجها وأبنائها فهي قدمت خدمه عظيمه جداً للإسلام .

لو نظرتم لأكبر علماء الإسلام مثل أحمد بن حنبل وإبن تيميه وإبن باز و و و و غيرهم كثير من رباهم ؟ من أهتم فيهم ؟ ترا الفضل بعد الله عز وجل على هؤلاء هم نساء و لهم أجر كبير على ماقدموا عند ربهم .

ياليتكم تعرفون قدركم ودوركم بخاصه في هذا الزمان لو صمدتوا في وجه هؤلاء العلمانيين والغربيين من يريد تغيير بلاد المسلمين وبخاصه هذا البلد ومدخلهم النساء لأنهم يعرفون تأثيركم الكبير على البلد والله سوف يذكركم التاريخ بكل فخر والله سبحانه وتعالى يعظم لكم الأجر وانتن مجاهداااات في سبيل الله


رجاء خاص لبنت السعوديه

تكفين تكفين تكفييييييين ماأبغاك تكوني داعيه ولاأبغاك تكوني كاتبه ولا حتى سيدة أعمال ولا معلمه ولا حافظة قرآن ولو فعلتي كان أفضل

ولكن أبغاك تهتمي بنفسك وتصونيها وتهتمي بحجابك لأنك جوهرة لا لا لا والله أغلى من كل جواهر الدنيا
وكنوزها

وانتي بتمسك بدينك وبحجابك بتكوني داعية بفعلك وبتكسبين دعوه كل من شافك بحجابك او غيره بيدعون لك بظهر الغيب

وفاصخة الحياء هي داعية للشيطان وكل من شافها وفعل مثلها بتتحمل وزره ووزر من تفتنهم من الرجال وماراح تلقى الا دعاء عليها و كلمات غزل وبعض القصاصات الورقيه عليها أرقام ناس يحترمون جسدها فقط ولو احترموها صدق والله مارقموها


اسأل الله العظيم رب العرش العظيم أن يستركن ويعفكن ويزوجكن أزواج صالحين طيبين ويصلح حال كل متزوجه ويفرج كل همومكم ويرزقكم الفردوس الأعلى

اااااااااااااااااااااامــــــــــــــــــــين


والسلام عليكم ورحمة الله وبركااااااااااته

ولكم التحيّه من سعودي يحتررررررررررررق قلبه غيره عليكم



أنشر ولك الأجر ( أدري كلام مايستاهل النشر بس كلام من قلب ودي يوصل لكل سعوديه )

والله كلام من جد رووعه

مشكووره

مشكورين ع الردود

مشكووووووووووره
كلام جونااان