حصيصه والدبشه فهد<<<لاااااتفوتكم...ا

السلاااام عليكم ورحمة الله وبركاته...اااا

الف الصلاة والسلام عليك يا حبيب الله محمد كللللللللللللوش الف اصلي واسلم عليك يا حبيب الله محمد

كللللللللللللللللللللللوش
كل المعاريس كلهم لا فرقا الله شملهم يازين حصيصه بينهم وفهد لا تخلووووونه بدى يطقطق بسنونه
هاه حصيصوه وش رايتس نمشي ما جاتس النوم
حصيصه جبهتها شوي وتطق في الارض من الحياء :يالبيه؟ <<< انواع الفهاوه
ياوووويل حالي ويلااااااه اقول البسي عبايتس و غطوتس واقضبي الدرب..
وين بنروح فهودي؟
وش فهودي؟ ياحليلتس ياحصيصه مابعد تعودتي على اسمي بنروح لمكان يحبه قلبتس ومصرانتس
طلعوا فهد وحصيصه وركبوا في ددسن ابو غمارة ومكسوره لمبة الريوس وطول الطريق:
يقول: حيا الله حصيصه
وهي ترد: الله يحييك
فهد: يالله ان تحيي حصيصه << يقالكم جدد في كلامه الرومانسي
وتقول: الله يحييك يابعد روحي
فهد وجسمه يرتعش كنه مشبوك في فيش
كهرب 220 هاااه هاااه ويدنه تلعب بالدركسون مره يمين مره يسار..وتنحرف
السياره عن الخط وما ردهم الا نهر وادي حنيفه وينزل فهد من السياره ويقعد
يقبص ويعضض في نفسه ماصدق انه حي وبعد ما تنفس الصعداء تذكر انه ودع
العزوبيه وقام يدور على عروووصته وشافها تبتسي عند النهر وقرب لها ونفسه
تراوده انه يجدعها كودها تضحك
وجلس جنبها وهي مغير بالغطوة تمسح دميعاتها وتنشق خشمها والاصوات هيضت قريحته وقال :
يابنت ياللي حول النهر تبتسين ,, ليتني غطوه بها تنشقين
اصفرن واخضرن مالحين ,, من منخر سلة السيف طالعين
مادرى الا وحصيصه تكرها صييييحه
ياحوووووووول ياذا النشبه اسمعي
يامره لا تحدييني اتحرش فيتس ادحري بليس واركبي الموتر والا بشمي عنتس ..
وتقوم حصيصه وتعصر غطوتها وتلبسها وركبت وهي تسحب في روحها تسحيب
وجلست تناظر الطريق وين بيودها
ومروا على منفوحه ونغزها قلبها على اللي ساكنين فيها يوم شافته يلفلف في
حواريها رحمته وقالت في نفسها ياعميري مالقى مخرج وما درت الا ويوقف عند
ذاك البيت اللي دريشة الدور الاول حول عتبة الباب وقال يالله يالعروصه ما
بغيتي توصلين بيتس وهي اللي تطقها الغلقه مرتن اخرى
ونزلت وهي راضيه بقضاء الله وقدره
..ودخلو غرفتهم وتناضر فيها وتتأمل في الستاير اللي كنها قميص مصريه ..
والفرشه الخضراء ام ثيل اصطناعي .. والنجفات البيض اللي تفقع العيون ..
والمرواح الزرق ولا السرير يّطلع نغمات كلاسيكيه حزينه .. وجلست حصيصه
تسولف على نفسها وتقول الحب اهم شي وفهودي واضح انه يحبني يعني لو نسكن في كرتون ما يهم وّدعت القلق وبدأت بالحياة ..
وتروح وتكشخ لابو عيالها وتطلع عليه
وهو اللي يغمض ويقول يالله سترك يالله سترك يامره تستري .. وهي اللي تجلس
جنبه و...و...وشسمه هذاك تشششششششششش مــــــــــشفر
وصحت حصيصه على نور الشمس شاقن عينها وتحس انها متكسره وتافلتن العافيه وبراطمها متنفخه ما ادري ليه
وتلتفت على فهد وتصحيه وتقوله حبيبي
جوعانه وش رايك نروح للمطعم؟ ويقوم ويطمر ذيك الطمره كنه طرزان بس الفرق
هو لابس صروال وفنيله وطرزان مالبس شي
ويلتفت على حصيصه ويقول وش مطعم ما مطعم خساير على الفاضي ابي كبسة لحم و جالون لبن من يدينتس وتخق حصيصه على كلمة يدينتس وتشد حبل الهمه وتجيب المسجل في المطبخ وتشغل على اغنيه
دنيا حظوظ دنيا حظوظ والله رمى حظي معاك.....الخ
وتبدى في الشغل وتمسك البصل وتقطع
اللحم وتزين المرق وتقطع الخيار وتحرك وتخلط وتروح للمقلط وتفرش السماط و
تصف الصحون والملاعق والشوك وتحط مناديل وتحط كرت وكاتبه عليه صحه وعافيه
على قلبك حبيبي
وتحط الاكل وتنادي: حبيبي فهودي ..
ويجيها من الشارع يهرول هروله ويدخل ورجلينه كنها مدهونه بزفلت شهبه لهبه
لاعب كوره حافي ويدخل يغسل ويقعد على الاكل وشال نصف اللي على السماط
ونسفه وراه وهو يقول حصيصه وراتس مخليه السماط زحمه ويبدى بسم الله ويضرب
بخمست هالاصابع في الصحن وياكل وحصيصه بتنصرع من هول الموقف
وتحس انها مع مجاعه وهي ياعميري تاكل بملعقتها ومستحيه ما تدري اللي
قدامها دبشه وتناظر في فهد .. ويقوم وياخذ الورقه اللي هي حاطتها وفرحت
انه عبرها وبيقراها وتفاجأت دخلها في فمه وقعد يخلل بها سنونه
ويتغر ذيك التغره كنها تيس يثغي وقال الحمد الله حصيصه بكرى ابي زي كذا الله لا يهينتس
وضفت حصيصه بكل احباط سماطها وجلست
تغسل المواعين وتفرك في القدور ويوم خلصت راحت لفهد وقالت فهد وش رايك
نطلع ونتمشى مع بعض قال سويلي شاهي ووديتس
فرحت حصيصه وسوتله ترمس مليان وجهزت نفسها وطلعوا من عش الزوجيه
وقالت له حبيبي وش رايك نروح لم
كوفي قال وش كوفي قالت زي المطعم بس انك تطلب قهوه ..قال لا وش ما يحتاج
تونا متغدين حصيصه في هالحظه كلت تبن كبر دميجتها وماتقدر تنفس زانطتها
العبره
قال فهد بوديتس لمكان تبي تسجدين
لله سجود شكر انتس رحتيله فرحت حصيصه وبدى النفس يرجع لها .. قالت ياحبي
لك يا فهد انت احلى زوج بالعالم استانس فهد وجلس يتاغر
المهم دعس على البنزين ومشى وهي
ودها تعرف بس ماودها تقوله لانها تحب المفاجئات وقامت تتخيل الفيصليه
والمملكه وتتخيل انه بيعزمها في الفورسيزون وفعلا مرو من عند الفيصليه
قالت في نفسها حركات بنروح للفيصليه وتعدو الفيصليه قالت صدق احساسي بنروح
للمملكه وتعدو المملكه جاها احباط بس قالت شكله عنده مكان اكثر رومانسيه
ويطلعون من الرياض وشعرت بالوحشه وتلتفت على فهد ولاه فاقن خشته ومبسوط
ابسط شي ويلعب بالسبحه ويسبحن ويهذري على روحه
المهم قالها يالعروصه غمضي عيونتس
ولا ترى بنزلتس خافت البنيه وغمضت وحست انهم نزلوا من الشارع وقامت ترجرج
من المطبات وحست انهم في بر وقفوا وقال فهد يله ياحصيصه مكان بنت امتس
وابوتس تحلمين فيه
وفتحت ولاها في شعيب صلبوخ موقفين
تحت الشجرهونزلت وهي تسحب عمرها وفرش البساط ونزل عدته من الصندوق وطلع
الدافور وبدى يصلح القهوه ويطلع الفناجيل ويصب لمرته ويقولها حيالله حصيصه
تو ما نور الشعيب وحصيصه ودها تتفل في خشته ومن غير نفس الله يحيك وفجأه
يقطع حديثهم نسمه هواء ونغمات حفيف الشجر هيضت قريحت فهد بس على الوجه
الثاني هالمره خواطر وقال بصوتن عالي حصيصه احبتس بعد امي وابوي وانا .. احس
وانا معتس كنتس كليجا وانا القصيم كنتس ثلاجه وانا الفريون كنتس زبيريه
وانا الارضيه كنتس فاكهه وانا الصحن .. انتي الشعر وانا القمل انتي الهند
وانا الافلام انتي المثانه وانا الزغاغيل انتي اللحم وانا الكلب ...
تصدقين يا حصيصه مافي هالمكان الا انا وياتس وبس .. حصيصه انبسطت على
رومانسيته وقالت ايه ياعمري انا وانت وبس ولاحد تالتنا (متأثره بدعاية
توكس) .. قال تدرين لو اذبحتس محد بداري

وهم جالسين عند الشعيب قامت حصيصه
ترمي حصى في المويه عشان تسوي دوائر قام فهد بيسوي زيها ورمى بلكة وطشمت
المويه عليها وقال شرايك اعرف اسوي اكبر منك
غربت الشمس وهم عند الشعيب استغلت
حصيصه الجو الرومانصي وقالت لفهد: حبيبي وش يعني لك الغروب؟ قال: يعني انه
الحين بيذن المغرب قومي خن نرجع
يوم وصلوا البيت حطها وقال بروح للاستراحه دخلت وآمالها تتحطم بس قالت يانا يا هو ان ماغيرته ما اكون الحصي
قامت ترتب غرفة النوم وتعطرها ولعت
شموووع كثيره مّلت البيت وطفت الانوار وتشخلعت تنتظر حبيب الآلب فهووود ..
دخل فهد وهو مايشوف الدرب دااااايخ يوم شافها ارتاع وقال عسى ماشر طــافي
الكهرب؟
حصيصه من التعب و التحطيم اغمى عليها .. شالها وودها المستشفى ويوم فحص عليها المصري طلع لفهد وقال مـــبروك المدام حامــل
فهد من الصدمه قام يصفر و يصفق ويقول هـــيا هـــيا هـــيا <<< على باله بلنتي
ومن يومها وحصيصه تتدلع وتأرنب عليه وتقول الطبيب يقولي اذا ماوديتني المطعم الجنين راح يتشوه ومن هالحكي
مــرت الشهور وهم على هالحاله الى ان جاء اليوم الموعود:
قامت حصيصه وهي تتألم وتنادي فهد
فهد يوم طلعت للحوش شافته معه لّي المويه ويغسل الحوش التفت عليها
باللــّي وسبحها وهي اللي تزلق وتتدربي بكرشتها عنده وقالت الحق علي بوّلد
.. راح بسرعه وفرش لها صندوق الددسن وشالها وسدحها فيه وهي تصارخ وحايمتن سبدها من ريحت الغنم
وصلوا المستشفى وبسرعه عمليات
عمليات ودخلوها معهم .. وفهد واقف عند الباب ويروح ويجي ويروح ويجي طلع له
الدكتور وقاله لاتخاف ان شاء الله بيسهلها ربي .. قال عادي مافرقت معي بس
انا محتار وش اسمي هالبنيه
حصيصه عقب الطيحه جاها نزيف وحاد ومن هالحركات ودخلوها للعناية المركزه << تذكرت خالتي نوره
المهم دخل عندها الطبيب و فهد ..
وقال الطبيب معليش يا أخ فهد بس المدام لازم تجلس اقل شي 5 سنين بدون حمل
عشان صحتها .. فهد هز راسه وقال تسمع بها ان شاء الله .. طلع الطبيب و قرب
فهد عند حصيصه ونزل راسه لها بـكل رقه .. وهي المسيكينه فرحت بهالحركه ..
قالها قولي آمييييين .. هي خلاص تشققت من الفرحه وتقول في نفسها ياليت كل
يوم اتعب اذا بيصير زي كذا .. المهم همست بإذنه و قالت آمييين .. قال فهد
جعل ماتدور هالسنه الا وانتي بذا الغرفة جايبه الثاني .. صرخت في وجهه وقالت رح جب بنتي وضحى اشوفها (للمعلومية فهد سمى بنته وضحى بدون مايشاور حصيصه)
من يومها وحصيصه حالتها تتردى مع ذا
الدبشه وهي للحين بالعناية .. وفجأة انخفض الضغط وصارت تنزف وتدهورت
حالتها بسرعه وماقدروا يسعفونها و مــــــــــاتت
دق الطبيب على فهد وقاله تعال نبيك بسرعه قال فهد عسى ماشر بنيتي فيها شي؟
قال لا بس الام حالتها خطره شوي قال ايه شدّه وتزول ان شاء الله خلاص بكمل ابريق الشاهي واجيكم
.. دخل عند الطبيب وقاله هاه وش
فيها المعزبه قال الطبيب انت انسان مؤمن و راضي بقضاء الله وقدره زوجتك
عطتك عمرها ضحك فهد بستهبال وقال شيك ولا كاش ههههههه الطبيب باستغراب
عطاه شهادة الوفاة وطلع
وقتها انصدم فهد راح عند حصيصه
وضمها وقعد يبتسي ويبتسي ويبتسي ويقول الله يلعن ليّ المويه هو السبب ..
الله يذكرتس بالخير يا حصيصه يا حليلتس يوم تدربين بكرشتس ..
انتهت مراسم العزاء بجميع انواعه
واخذ فهد بنيته وضحى وصار يدلعها ويتذكر امها وجفاسته ودباشته معها وطقته
الحسوفه وقطرت سعابيله على ذيك الايام اللي ما تتعوض بشي وحلف انه يعوضها في بنيته وضحى .

النهايه
THE END

...وش رايكم

شييييي هههههاي :1121020:

يسـلمو ع المــرور

الله يسلمك

مشكورره
هههههههههههههههههههههههه

يسلمو خيتوووو....